Tanzania Broadcasting Corporation - (TBC)

Mabondia Francis Cheka na Japhet Kaseba wamekubaliana kupigana katika pambano lisilo la ubingwa la tamasha la matumaini lililopangwa kufanyika katika uwanja wa taifa jijini Dar es Salaam jumamosi wiki hii.

Mabondia hao walikutana  na waandishi wa habari na kuzungumzia pambano hilo na kusema kuwa tamasha hilo ni la kuchangisha fedha za ujenzi wa  mabweni ya wanafunzi wa kike katika mikoa 8 ya Tanzania.

Upande wa wanawake  wasanii wa filamu Jackline Wolper atapanda jukwaani kuzichapa na Wema Sepetu.

Mbali na ngumi hizo kutakuwa na pambano la wabunge wa Jamuhuri ya Muungano wa Tanzania kwa upande wa soka  ambapo wabunge wanaoshabikia Simba na Yanga watacheza katika mchezo huo na burudani kutoka kwa wasanii mbalimbali zitakuwepo.