Tanzania Broadcasting Corporation - (TBC)

Balozi wa KENYA hapa nchini MUTINDA MUTISSO amesema nchi za jumuiya ya Afrika Mashariki zinakabiliwa na changamoto ya kuendeleza ushirikiano baina yake hususan wakati huu wa kuishindani katika nyanja mbalimbali za kiuchumi ili kumudu ushindani kimataifa.

Balozi MUTISSO ametoa kauli hiyo katika mahojiano na TBC kuhusu ushirikiano uliopo kwa nchi zinazounda jumuiya hiyo ambazo tayari zimeanza kutekeleza itifaki ya soko la pamoja.

Akizungumzia uelewa mdogo miongoni mwa wakazi wa AFRIKA MASHARIKI juu ya maana ya soko huria, Balozi MUTISSO amesema serikali na asasi zilizopo zinawajibika kusambaza elimu kuhusu mchakato wa shirikisho na jinsi ushirikiano huo unavyofanya kazi.